ਸਹਿਜਧਾਰੀ
ਅਵਸਥਾ ਸਹਿਜ ਦੀ ਹੁੰਦੀ ਏ ਬਹੁਤ ਵੱਡੀ ,
ਕੋਈ ਵਿਰਲਾ ਹੀ ਏਸ ਨੂੰ ਪਾ ਸਕਦਾ ।
ਸਹਿਜ ਜਿੰਦਗੀ ਵਿੱਚ ਜੇਕਰ ਆ ਜਾਵੇ ,
ਕੋਈ ਉਹਨੂੰ ਨਾ ਫੇਰ ਭਰਮ੍ਹਾ ਸਕਦਾ ।
ਆਪਾ ਵਾਰ ਦਿੰਦਾ , ਪਰ ਗਿਣਾਂਵਦਾ ਨਹੀਂ ,
ਸਹਿਜ ਐਸਾ ਮੁਕਾਮ ਲਿਆ ਸਕਦਾ ।
ਐਪਰ ਹਉਮੇਂ ਨੂੰ ਧਾਰਕੇ ਹੀ ਕੋਈ ,
ਸਹਿਜ ਧਾਰਨ ਦਾ ਫੱਟਾ ਲਗਵਾ ਸਕਦਾ ।
ਸਿੱਖੀ ਫਲਸਫੇ ਤੋਂ ਅਣਜਾਣ ਕਹਿੰਦੇ ,
ਸਹਿਜਧਾਰੀ ਤਾਂ ਸਿੱਖੀ ਵੱਲ ਆ ਰਿਹਾ ਏ ।
ਉਹ ਨਾ ਜਾਨਣ ਕਿ ਫਿਰਕਾ ਬਣਵਾ ਵੱਖਰਾ ,
ਕੋਈ ਸਿੱਖੀ ਨੂੰ ਖੋਰਾ ਲਗਵਾ ਰਿਹਾ ਏ ।।
ਡਾ ਗੁਰਮੀਤ ਸਿੰਘ ਬਰਸਾਲ (ਕੈਲੇਫੋਰਨੀਆਂ)
