ਕੁੰਭ ਦਾ ਮੇਲਾ
ਵਿਪਰਾਂ ਦੀ ਜਿਹੜੀ ਰੀਤੋਂ ਗੁਰਾਂ ਸਾਨੂੰ ਹੋੜਿਆ ਸੀ,
ਹਰ ਉਸ ਰੀਤ ਨਾਲ ਯਾਰੀਆਂ ਨਿਭਾਵੇਂਗੇ।
ਗੁਰੂ ਉਪਦੇਸ਼ਾਂ ਨਾਲ ਜਿੰਦਗੀ ਜਿਓਣ ਨਾਲੋਂ,
ਕਰਮ-ਕਾਂਢਾਂ ਦੇ ਨਾਲ ਜੀਵਨ ਬਿਤਾਵੇਂਗੇ।
ਸ਼ਬਦ ਵਿਚਾਰ ਜਿਹੜਾ ਤੀਰਥ ਗੁਰਾਂ ਨੇ ਕਿਹਾ,
ਗਿਆਨ ਵਾਲੀ ਹਰ ਗੱਲ ਜੱਗ ਤੋਂ ਛੁਪਾਵੇਂਗੇ।
ਗੁਰੂ ਕਹਿੰਦਾ ਸਾਧ ਬਿਨਾਂ ਨ੍ਹਾਤਿਆਂ ਹੀ ਸਾਧ ਹੁੰਦੇ,
ਚੋਰ ਮਲ਼-ਮਲ਼ ਨ੍ਹਾਕੇ ਚੋਰ ਹੀ ਸਦਾਵੇਂਗੇ।
ਤੀਰਥਾਂ ਤੇ ਨ੍ਹਾ ਨ੍ਹਾ ਕੇ ਪਾਪ ਲਾਹੁਣ ਆਉਂਦੇ ਜਿਹੜੇ,
ਭਰਮਾਂ ਦੀ ਮੈਲ਼ ਸਗੋਂ ਹੋਰ ਉਹ ਚੜ੍ਹਾਵੇਂਗੇ।
ਅੰਦਰੋਂ ਜੋ ਵਿਸ਼ਿਆਂ ਵਿਕਾਰਾਂ ਨਾਲ ਭਰੀ ਹੋਈ ਏ,
ਬਾਹਰੋਂ ਬਾਹਰੋਂ ਤੂੰਬੜੀ ਨੂੰ ਧੋ ਕੇ ਦਿਖਾਂਵੇਂਗੇ।
ਬਾਣੀ ਦੇ ਸਰੋਵਰ 'ਚ ਚੁੱਭੀ
ਜਿਹੜੇ ਲਾਂਵਦੇ ਨਾ,
ਕੁੰਭ ਵਾਲੇ ਮੇਲੇ ਆਜੋ ਮਲ਼-ਮਲ਼ ਨ੍ਹਾਵੇਂਗੇ।।
ਡਾ ਗੁਰਮੀਤ
ਸਿੰਘ ਬਰਸਾਲ(ਕੈਲੇਫੋਰਨੀਆਂ)gsbarsal@gmail.com