ਬਿਹਤਰ ਇਨਸਾਫ?
‘ਮੇਰੇ ਦੇਸ਼ ਮਹਾਨ’ ਦੇ ਸ਼ਾਸਕਾਂ
ਨੂੰ,
ਸਾਰਾ ਜੱਗ ਅੱਜ ਬੈਠਾ ਨਿਹਾਰਦਾ ਏ।
ਲੋਕ ਰਾਜ ਦੀ ਆੜ ਦੇ ਹੇਠ ਕਿੱਦਾਂ,
ਗੁੰਡਾ ਰਾਜ
ਫੁੰਕਾਰੇ ਪਿਆ ਮਾਰਦਾ ਏ।
ਹਰ ਚੋਰੀ ਚਕਾਰੀ ਤੇ ਲੁੱਟ ਅੰਦਰ,
ਹਿੱਸਾ ਹੋਂਵਦਾ ਕਾਹਤੋਂ ਸਰਕਾਰ ਦਾ ਏ ।
ਕਾਹਤੋਂ ਮਿਲਦੀ ਪਨਾਹ ਹੈ ਕਾਤਲਾਂ ਨੂੰ,
ਭਾਵੇਂ ਦੋਸ਼ੀ ਕੋਈ ਬਲਾਤਕਾਰ ਦਾ ਏ।
ਵੱਧ ਗਿਣਤੀਆਂ ਵਾਲਾ ਇਨਸਾਫ ਜਿੱਥੇ,
ਘੱਟ ਗਿਣਤੀਆਂ ਸਦਾ ਵਿਸਾਰਦਾ ਏ।
ਵੋਟਾਂ ਨੋਟਾਂ ਨੂੰ ਦੇਖ ਇਨਸਾਫ ਝੁਕਦਾ,
ਸੱਚ ਝੂਠ ਨੂੰ ਕੌਣ ਵਿਚਾਰਦਾ ਏ।
ਜਿੱਥੇ ਬੇਹਤਰ ਇਲਾਜ ਲਈ 'ਦਾਮਨੀ' ਨੂੰ,
ਸਿੰਘਾਪੁਰ ਪੁਚਾਇਆ ਵੀ ਜਾ ਸਕਦਾ ।।
ਉੱਥੇ ਬਿਹਤਰ ਇਨਸਾਫ ਲਈ ਦੋਸ਼ੀਆਂ ਨੂੰ,
ਅਰਬ ਦੇਸ਼ ਭਿਜਵਾਇਆ ਨਹੀਂ ਜਾ ਸਕਦਾ?।।
ਡਾ ਗੁਰਮੀਤ
ਸਿੰਘ ਬਰਸਾਲ(ਕੈਲੇਫੋਰਨੀਆਂ)
gsbarsal@gmail.com
