ਨਿੰਦਾ
ਚੋਰੀ ਕਰਦੇ ਮਨੁੱਖ ਨੂੰ ਤੱਕ ਕੇ ਤੇ,
ਲੋਕੀਂ ਚੁੱਪ ਕਰ ਜੋ ਲੰਘ ਆਂਵਦੇ ਨੇ।।
ਸੂਝਵਾਨ ਮਨੁੱਖਾਂ ਦੀ ਨਜਰ ਵਿੱਚ ਉਹ,
ਚੋਰ ਨਾਲ ਹੀ ਰਲੇ ਸਮਝੇ ਜਾਂਵਦੇ ਨੇ।।
ਨਿੰਦਿਆ ਹੁੰਦੀ ਨਹੀਂ ਚੋਰ ਨੂੰ ਚੋਰ ਕਹਿਣਾ,
ਭਾਵੇਂ ਚੋਰ ਤਾਂ ਉਲਟ ਸਮਝਾਂਵਦੇ ਨੇ।।
ਅਰਥ ਸਰਬੱਤ ਦੇ ਭਲੇ ਦੇ ਉਹ ਕਿਓਂਕਿ,
ਆਪਣੇ ਸਵਾਰਥ ਹਿਤ ਸਭ ਨੂੰ ਸਿਖਾਂਵਦੇ ਨੇ।।
ਚੋਰ ਲੱਗੇ ਜੋ ਪੰਥ ਨੂੰ ਧਾਰ ਨੀਤੀ,
ਚਾਲ ਉਹਨਾਂ ਦੀ ਜੋ ਪ੍ਰਗਟਾਂਵਦੇ ਨੇ।।
ਪਛਾਣ ਕਰਨ ਲਈ ਚੋਰ ਤੇ ਸਾਧ ਵਾਲੀ,
ਕਸਵੱਟੀ ਗੁਰੂ ਗ੍ਰੰਥ ਦੀ ਲਾਂਵਦੇ ਨੇ।।
ਸਿੱਖੀ ਸਿੱਖਿਆ ਗੁਰ ਵਿਚਾਰ ਵਰਗੀ,
ਜੀਵਨ ਵਿੱਚ ਰਹੁ-ਰੀਤ ਅਪਣਾਂਵਦੇ ਨੇ।।
ਇਹ ਲਾਈਨਾਂ ਸਮਰਪਤ ਉਹਨਾਂ ਨੂੰ ਜੋ,
ਆਪ ਜਾਗੇ ਤੇ ਅੱਗੇ ਜਗਾਂਵਦੇ ਨੇ।।।।
ਡਾ ਗੁਰਮੀਤ ਸਿੰਘ ਬਰਸਾਲ(ਕੈਲੇਫੋਰਨੀਆਂ)
