ਰੋਸੁ ਨਾ ਕੀਜੈ ਉਤਰੁ ਦੀਜੈ
ਡਾ. ਗੁਰਮੀਤ ਸਿੰਘ ‘ਬਰਸਾਲ’ਕੈਲੇਫੋਰਨੀਆਂ
ਇਹ ਗੁਰਵਾਕ ਸਿੱਧਾਂ ਨਾਲ ਵਿਚਾਰ-ਵਿਟਾਂਦਰੇ ਦੌਰਾਨ ਵਰਤਿਆ ਗਿਆ ਸੀ । ਅੱਜ ਕੱਲ ਇਸਦੀ ਵਰਤੋਂ ਅਕਸਰ ਹੀ ਵਿਚਾਰਾਂ ਦੇ ਅਦਾਨ-ਪ੍ਰਦਾਨ ਵੇਲੇ ਕੀਤੀ ਜਾਂਦੀ ਹੈ । ਵਿਦਵਾਨਾਂ ਦੀ ਚਰਚਾ ਮੁੱਢ ਕਦੀਮੋ ਹੀ ਚਲਦੀ ਆਈ ਹੈ । ਗੁਰੂ ਸਾਹਿਬ ਨੇ ਹੀ ਅਸਲ ਵਿਚ ਸਿਖਾਂ ਅੰਦਰ ਇਹ ਵਿਚਾਰ ਚਰਚਾ ਦਾ ਮੁੱਢ ਬੰਨਿਆ । ਸੰਸਾਰ ਵਿਚ ਸੋਚਣੀ ਦਾ ਪੱਧਰ ਕਦੇ ਵੀ ਇੱਕ ਨਹੀਂ ਹੋਇਆ। ਸੋਚਣੀ ਦੇ ਵੱਖਰੇ-ਵੱਖਰੇ ਪੱਧਰ ਮੁੱਢੋਂ ਹੀ ਵਿਚਾਰ-ਵਟਾਂਦਰਿਆਂ ਦਾ ਅਧਾਰ ਬਣਦੇ ਆਏ ਹਨ । ਵਿਚਾਰਾਂ ਰਾਹੀਂ ਇੱਕ ਦੂਜੇ ਨੂੰ ਨੀਵਾਂ ਦਿਖਾਣ ਦੀ ਪਿਰਤ ਵੀ ਬਹੁਤ ਪੁਰਾਣੀ ਹੈ । ਕਮਜੋਰ ਵਿਚਾਰਾਂ ਵਾਲੇ ਦਾ ਅਗਲਾ ਹਮਲਾ ਵਿਰੋਧੀ ਦੀ ਨਿੱਜੀ ਜਿੰਦਗੀ ਹੀ ਹੁੰਦਾ ਹੈ । ਅਸਲ ਵਿੱਚ ਅਜਿਹਾ ਕਰਕੇ ਉਹ ਆਪਣੇ ਹੀ ਕਮਜੋਰ ਵਿਚਾਰਾਂ ਦੀ ਪ੍ਰੋੜਤਾ ਕਰ ਰਿਹਾ ਹੁੰਦਾ ਹੈ ।
