ਦਸਤਾਰ ਤੇ ਹਮਲਾ

ਦਸਤਾਰ ਤੇ ਹਮਲਾ




ਗੁਰੂ ਗ੍ਰੰਥ ਦੀ ਨਿਆਰੀ ਵਿਚਾਰਧਾਰਾ,



ਦੁਨੀਆਂ ਬੈਠ ਅੱਜ ਧਿਆਨ ਨਾਲ ਪੜ੍ਹ ਰਹੀ ਏ ।



ਧਰਮ ਚਿੰਤਕਾਂ ਵਿੱਚ ਨਿਆਰੇ ਫਲਸਫੇ ਦੀ,



ਗੁੱਡੀ ਉੱਚੇ ਅਸਮਾਨਾਂ ਤੇ ਚੜ੍ਹ ਰਹੀ ਏ ।



ਐਪਰ ਜਿਨ੍ਹਾਂ ਦੀ ਪੱਗ ਬਚਾਉਣ ਖਾਤਿਰ,



ਸਿੱਖ ਸਦਾ ਜਰਵਾਣਿਆਂ ਨਾਲ ਭਿੜਿਆ ;



ਉਸੇ ਦੇਸ਼ ਦੇ ਰਾਖੇ ਦੀ ਅੱਖ ਅੰਦਰ,



ਪੱਗ ਸਿੱਖ ਦੀ ਮਿਰਚ ਬਣ ਲੜ ਰਹੀ ਏ ।।


ਡਾ ਗੁਰਮੀਤ ਸਿੰਘ ਬਰਸਾਲ ਕੈਲੇਫੋਰਨੀਆਂ

ਮਾਸ ਖਾਣ ਦਾ ਵਿਗਿਆਨਕ, ਮਨੋ-ਵਿਗਿਆਨਕ ਅਤੇ ਗੁਰਮਤਿ ਦ੍ਰਿਸ਼ਟੀਕੋਣ

ਮਾਸ ਖਾਣ ਦਾ ਵਿਗਿਆਨਕ, ਮਨੋ-ਵਿਗਿਆਨਕ ਅਤੇ ਗੁਰਮਤਿ ਦ੍ਰਿਸ਼ਟੀਕੋਣ


(ਡਾ ਗੁਰਮੀਤ ਸਿੰਘ ‘ਬਰਸਾਲ’ ਕੈਲੇਫੋਰਨੀਆ)

ਜਦੋਂ ਤੋਂ ਧਰਤੀ ਬਣੀ ਹੈ ਹਰ ਜੀਵ ਨੂੰ ਜਿੰਦਾ ਰਹਿਣ ਲਈ ਕੁਝ ਨਾ ਕੁਝ ਖਾਣਾ ਹੀ ਪੈਂਦਾ ਹੈ । ਪਹਿਲਾਂ ਪਹਿਲ ਮਨੁੱਖ ਜਾਨਵਰਾਂ ਦਾ ਸ਼ਿਕਾਰ ਕਰਕੇ ਹੀ ਆਪਣਾ ਪੇਟ ਭਰਦਾ ਸੀ । ਪਰ ਸ਼ਿਕਾਰ ਨਾ ਮਿਲਣ ਦੀ ਸੂਰਤ ਵਿੱਚ ਉਸਨੂੰ ਕਈ ਵਾਰ ਬਿਨਾ ਭੋਜਨ ਤੋਂ ਹੀ ਰਹਿਣਾ ਪੈਂਦਾ ਸੀ । ਹੌਲੀ ਹੌਲੀ ਜਿਓਂ ਹੀ ਉਸਨੂੰ ਫਲ ਸਬਜੀਆਂ ਉਗਾਉਣ ਦਾ ਗਿਆਨ ਹੋਇਆ ਤਾਂ ਉਸ ਖੇਤੀ ਬਾੜੀ ਕਰਨਾ ਸ਼ੁਰੂ ਕਰ ਦਿੱਤਾ । ਉਗਾਇਆ ਅਨਾਜ ਕਾਫੀ ਲੰਬੇ ਸਮੇ ਤੱਕ ਸਾਂਭ ਕੇ ਰੱਖਿਆ ਜਾ ਸਕਦਾ ਸੀ । ਜਿਓਂ-ਜਿਓਂ ਜਿੱਥੇ-ਜਿੱਥੇ ਸਭਿਆਤਾਵਾਂ ਦਾ ਵਿਕਾਸ ਹੁੰਦਾ ਗਿਆ ਮਨੁੱਖ ਦੇ ਭੋਜਨ ਵਿੱਚ ਹਾਲਾਤਾਂ , ਸਮੇ , ਮੌਸਮ ਅਤੇ ਜਗ੍ਹਾ ਅਨੁਸਾਰ ਤਬਦੀਲੀਆਂ ਆਉਂਦੀਆਂ ਗਈਆਂ ।

ਤ੍ਰੀਆ ਚਰਿਤਰ ਬਨਾਮ ਬਾਲਗ ਸਿੱਖਿਆ

ਤ੍ਰੀਆ ਚਰਿਤਰ ਬਨਾਮ ਬਾਲਗ ਸਿੱਖਿਆ


ਜਦੋਂ ਅਸੀਂ ਛੋਟੇ ਹੁੰਦੇ ਸਕੂਲਾਂ ਵਿੱਚ ਪੜ੍ਹਦੇ ਸਾਂ ਤਾਂ ਪਿੰਡਾਂ ਦੇ ਵਿੱਚ ਕੁੱਝ ਸਰਦੇ-ਪੁੱਜਦੇ ਘਰਾਂ ਅੰਦਰ ਵਿਆਹਾਂ-ਸ਼ਾਦੀਆਂ ਤੇ ਗਾਉਣ ਵਾਲੀਆਂ ਦੇ ਖਾੜਿਆਂ ਦਾ ਰਿਵਾਜ ਕਾਫੀ ਪਰਚਲਤ ਸੀ । ਘਰਦੇ ਅਕਸਰ ਹੀ ਅਜਿਹੀਆਂ ਥਾਵਾਂ ਤੇ ਜਾਣ ਤੋਂ ਵਰਜਦੇ ਸਨ । ਪਰ ਪਿੰਡਾਂ ਵਿੱਚ ਹੋਰ ਮਨੋਰੰਜਨ ਦੇ ਸਾਧਨ ਨਾ ਹੋਣ ਕਾਰਨ ਅਸੀਂ ਕਿਵੇਂ ਨਾ ਕਿਵੇਂ ਸਾਥੀਆਂ ਨਾਲ ਜਾ ਹਾਜਰੀ ਦੇਣੀ । ਘਰਦਿਆਂ ਨੂੰ ਵੀ ਪਤਾ ਲਗ ਜਾਣਾ ਤਾਂ ਅਸੀਂ ਘਰੇ ਆਕੇ ਘਰਦਿਆਂ ਤੋਂ ਬਚਣ ਦੀ ਚਾਹ ਨਾਲ ਆਪਣੇ ਜਾਣੇ ਸੱਚ ਬੋਲਣ ਦਾ ਦਿਖਾਵਾ ਕਰ ਉਸ ਦੇ ਸ਼ੁਰੂ ਵਿੱਚ ਗਾਏ ਹੋਏ ਧਾਰਮਿਕ ਗੀਤ ਦਾ ਜਿਕਰ ਵਾਰ ਵਾਰ ਕਰ ਉਸ ਅਖਾੜੇ ਨੂੰ ਚੰਗਾ ਦਸਣ ਦੀ ਅਸਫਲ ਕੋਸ਼ਿਸ਼ ਕਰੀ ਜਾਣੀ । ਅਜ ਵੀ ਜਦੋਂ ਕੋਈ ਕਿਸੇ ਹੋਰ ਰੂਪ ਵਿੱਚ ਅਜਿਹੀ ਹਰਕਤ ਕਰਦਾ ਹੈ ਤਾਂ ਹਾਸੀ ਆ ਜਾਣੀ ਸੁਭਾਵਿਕ ਹੀ ਹੁੰਦੀ ਹੈ । ਅਜਿਹਾ ਹੀ ਕੁਝ ਦਸਮ-ਗ੍ਰੰਥ ਦੇ ਮਾਮਲੇ ਵਿੱਚ ਨਜਰ ਆ ਰਿਹਾ ਹੈ ।

ਆਓ ਦੂਰੀਆਂ ਵਧਾਈਏ….(ਇੱਕ ਵਿਅੰਗ)

ਆਓ ਦੂਰੀਆਂ ਵਧਾਈਏ….(ਇੱਕ ਵਿਅੰਗ)



ਅਸੀਂ ਕਿਸੇ ਨਾਲ ਏਕਤਾ ਨਹੀਂ ਕਰਨੀ । ਕਿਓਂ ਕਰੀਏ ? ਏਕਤਾ ਤਾਂ ਸਿਰਫ ਉਸ ਨਾਲ ਹੀ ਹੁੰਦੀ ਹੈ ਜੋ ਸਿਧਾਂਤਿਕ ਤੌਰ ਤੇ ਤੁਹਾਡੇ ਨਾਲ ਸਹਿਮਤ ਹੋਵੇ । ਸਾਡੇ ਨਾਲ ਤੇ ਕੋਈ ਸਹਿਮਤ ਹੀ ਨਹੀਂ । ਇਹ ਅਗਲੇ ਦਾ ਹੀ ਕਸੂਰ ਹੈ ਸਾਡਾ ਥੋੜਾ । ਅਸੀਂ ਤਾਂ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸੱਚੇ ਸਿੱਖ ਹਾਂ । ਅਸੀਂ ਸਿਰਫ ਉਸ ਨਾਲ ਏਕਤਾ ਕਰਾਂਗੇ ਜੋ ਸਾਡੇ ਨਾਲ 100% ਸਹਿਮਤ ਹੋਵੇ । ਨਾਂ ਨੌ ਮਣ ਤੇਲ ਹੋਊ ਨਾਂ ਰਾਧਾ ਨੱਚੂ । ਸਿੱਖ ਛੇਤੀ ਕਿਤੇ ਏਕਤਾ ਥੋੜਾ ਕਰਦਾ ਹੈ । ਜੋ ਕਰਦੇ ਹਨ ਓਹ ਥਿੜਕੇ ਹੋਏ ਹਨ । ਕਿਤੇ ਨਾ ਕਿਤੇ ਧੋਖਾ ਖਾਣਗੇ ।

ਫਲਸਫਾ

ਫਲਸਫਾ


ਗੁਰੂ ਤੁਲ ਜੋ ਕਿਸੇ ਨੂੰ ਹੈ ਗਿਣਦਾ ,

ਹੁੰਦੀ ਗੁਰੂ ਨਾਲ ਉਸਦੀ ਵਫਾ ਨਾਹੀਂ ।

ਗੁਰੂ ਨਾਨਕ ਦੀ ਸਿਖਿਆ-ਸਿਧਾਂਤ ਲੈਕੇ ,

ਹੁੰਦਾ ਜਾਪਦਾ ਉਸਨੂੰ ਨਫਾ ਨਾਹੀਂ ।

ਬੰਦੇ ਅੰਦਰਲੇ ਪ੍ਰਭੂ ਵੱਲ ਪਿੱਠ ਕਰਕੇ ,

ਮਨੋ-ਕਲਪਿਤ ਪ੍ਰਭੂ ਦੀ ਕਰੇ ਸੇਵਾ ;

ਨਮਸ਼ਕਾਰਾਂ ਅਕਾਰਾਂ ਨੂੰ ਕਰੀ ਜਾਣਾ ,

ਬਾਬੇ ਨਾਨਕ ਦਾ ਤਾਂ ਫਲਸਫਾ ਨਾਹੀਂ ।।

ਡਾ ਗੁਰਮੀਤ ਸਿੰਘ ‘ਬਰਸਾਲ’ (ਕੈਲੇਫੋਰਨੀਆਂ)

ਬਾਣੀ ਦੇ ਲੱਗ ਜੋ ਚਰਨੀ ਜੀ

ਬਾਣੀ ਦੇ ਲੱਗ ਜੋ ਚਰਨੀ ਜੀ


ਸਾਂਧਾਂ ਅੱਗੇ ਨੱਕ ਘਸਾਕੇ,ਫੋਟੋਆਂ ਥੱਲੇ ਧੂਫ ਧੁਖਾਕੇ ।

ਛੱਡ ਦਿਓ ਲੋਕੋ ਭੇਖ ਬਣਾਕੇ,ਬੱਧਾ – ਚੱਟੀ ਭਰਨੀ ਜੀ ।

ਕਰਮ-ਕਾਂਢ ਨੂੰ ਛੱਡਕੇ,ਬਾਣੀ ਦੇ ਲੱਗ ਜੋ ਚਰਨੀ ਜੀ ।

ਗੁਰਬਾਣੀ ਹੈ ਸਿੱਖਿਆ ਸਾਂਝੀ,ਰਹਿ ਨਾ ਜਾਵੇ ਦੁਨੀਆਂ ਵਾਂਝੀ ।

ਮਾਨਵਤਾ ਦੀ ਕਿਸ਼ਤੀ ਵਾਲਾ,ਏਸੇ ਨੇ ਬਣਨਾ ਹੈ ਮਾਂਝੀ ।

ਗੁਰਬਾਣੀ ਦੇ ਚੱਪੂਆਂ ਦੇ ਨਾਲ,ਜੀਵਨ ਕਿਸ਼ਤੀ ਤਰਨੀ ਜੀ ।।


ਬਾਣੀ ਨਾ ਵਿਓਪਾਰ ਬਣਾਓ,ਮੁੱਲ ਪਾ ਕੇ ਨਾ ਪੜ੍ਹੋ-ਪੜ੍ਹਾਓ ।

ਬਾਣੀ ਗੁਰੂ ,ਗੁਰੂ ਹੈ ਬਾਣੀ,ਇਹ ਰਿਸ਼ਤਾ ਸਮਝੋ-ਸਮਝਾਓ ।

ਹੁਕਮ ਗੁਰੂ ਦਾ ਸਮਝਣ ਖਾਤਿਰ,ਸਿੱਖੋ ਆਪੇ ਪੜ੍ਹਨੀ ਜੀ ।

ਬਾਣੀ ਦੱਸੇ ਸੱਚ ਤੁਹਾਨੂੰ,ਜੀਵਨ ਲਈ ਇਹ ਸਿੱਖਿਆ ਸਾਨੂੰ ।

ਪੜ੍ਹ-ਪੜ੍ਹ ਲੋਕੀਂ ਗੱਡਾਂ ਲੱਦਦੇ,ਫਿਰ ਵੀ ਕਹਿੰਦੇ ਮੈ ਨਾ ਮਾਨੂੰ ।

ਜੇ ਜੀਵਨ ਨੂੰ ਸਫਲ ਬਣਾਉਣਾ ,ਗੁਰਮਤਿ ਧਾਰਨ ਕਰਨੀ ਜੀ ।


ਤੋਤੇ ਵਾਂਗੂ ਛੱਡੋ ਰਟਣਾਂ,ਅਮਲਾਂ ਤੋਂ ਜੇ ਪਿੱਛੇ ਹਟਣਾਂ ।

ਪੜ੍ਹ ,ਸਿੱਖ ਬਾਣੀ ਧਾਰਨ ਕਰਕੇ,ਜੀਵਨ ਦੇ ਵਿੱਚ ਪੈਣਾ ਡਟਣਾਂ ।

ਲਾਜ ਉਸੇ ਦੀ ਰੱਖਦੀ ਬਾਣੀ,ਜੋ ਆ ਜਾਂਦਾ ਸ਼ਰਨੀ ਜੀ ।।

ਕਰਮ-ਕਾਂਢ ਨੂੰ ਛੱਡਕੇ,ਬਾਣੀ ਦੇ ਲੱਗ ਜੋ ਚਰਨੀ ਜੀ ।।

ਸਹੁੰ ਖਾਈਏ ਜੀਅ ਦੀ, ਨਾਂ ਪੁੱਤ ਦੀ ਨਾਂ ਧੀ ਦੀ

ਸਹੁੰ ਖਾਈਏ ਜੀਅ ਦੀ, ਨਾਂ ਪੁੱਤ ਦੀ ਨਾਂ ਧੀ ਦੀ

ਪੰਜਾਬੀ ਭਾਸ਼ਾ ਦਾ ਇਹ ਮੁਹਾਵਰਾ ਅਕਸਰ ਆਪਣੀ ਜਿਮੇਵਾਰੀ ਨਾਲ ਵਚਨਬੱਧਤਾ ਪ੍ਰਗਟਾਉਣ ਲਈ ਵਰਤਿਆ ਜਾਂਦਾ ਹੈ । ਅਸੀਂ ਜਾਣਦੇ ਹਾਂ ਕਿ ਵਿਚਾਰਾਂ ਦੀ ਇਕਸੁਰਤਾ ਸੰਸਾਰ ਵਿੱਚ ਤਾਂ ਇੱਕ ਪਾਸੇ, ਪਰਿਵਾਰ ਵਿੱਚ ਵੀ ਨਹੀਂ ਲੱਭਦੀ । ਕਈ ਵਾਰ ਇੱਕ ਹੀ ਮਿਸ਼ਨ ਤੇ ਚਲੇ ਜਾ ਰਹੇ ਲੋਕਾਂ ਦੇ ਵਿਚਾਰ ਵੀ ਨਹੀਂ ਮਿਲ ਰਹੇ ਹੁੰਦੇ । ਫਿਰ ਅਸੀਂ ਇੱਕ ਘੱਟ ਤੋਂ ਘੱਟ ਵਿਰੋਧਤਾ ਵਾਲਾ ਅਧਾਰ ਬਣਾਕੇ ਅੱਗੇ ਵਧਦੇ ਹਾਂ ਕਿ ਚਲੋ ਇੱਥੋਂ ਤੱਕ ਤਾਂ ਸਾਡੇ ਵਿਚਾਰ ਮਿਲਦੇ ਹਨ ਇਸਤੋਂ ਅੱਗੇ ਯੋਗ ਹਾਲਾਤ ਵੇਖਕੇ ਵਿਚਾਰਾਂ ਕਰ ਲਵਾਂਗੇ । ਕਈ ਵਾਰ ਰਾਜਨੀਤਿਕ ਪਾਰਟੀਆਂ ਵੀ ਘੱਟੋ-ਘੱਟ ਪਰੋਗਰਾਮ ਤੇ ਏਕਤਾ ਕਰ ਲੈਂਦੀਆਂ ਹਨ ਭਾਵੇਂ ਕਿ ਇਹ ਆਰਜੀ ਹੀ ਹੁੰਦੀ ਹੈ ।